ههر جه و لايهن و مروڤهكى بهرهنگارێت خو ههنه، ههمى كهس ژێ درازى نابن چهند يێ باش بيت و چهند كارێ وى يێ رێك وپێك بيت ئهڤ لايهنێ بهرژهوهندا وى دگهل نه دێ ژپتڤه خهنجهرا دانيتێ و پێئالينكا دهته بهرپێيا دا بكهڤيت، و بهروڤاژى ئهگهر كێماسى ولهنگى ژى ههبن ههردێ د چاڤێت ههڤالێت خودا بباشى بينن رهنگه گهلهك جاران ژى تا گر و لاينگر رێكا دورست بو ههڤالێت خو و گهلهك كهس و لايهن دێ ههبن. دهولێ بو ب بقوتن و رێكا دورست بو نهدهنه خوياكرن ژبهر بهرژهوهندا خويا كهسى، ئهڤه حالهته دێ ههبن و يا سروشتيه، بهلێ يا نه سروشتى ئهوه دهمێ ياسايا ئوپوزسيونێ نهبيت تو پێ كاربكهى وهكى گهلهك جارا تێته گوتن ژلايێ پارتێت سياسي يێت دى ڤه كو دبێژن ئهم نزانين كانێ ئهم چينه ئهم پشكدارين دحكومهتێدا بهلێ نه دپشكدارين دحوكميدا گهلهك يا سهيره ههردهمهكێ ئاخڤتنهك يان پشكداري دكونگرهكيدا بكهن ئێك سهر دێ هێته گوتن ئهڤه ياخهتهره ل سهر ئهمنا نهتهوهي ئهڤه ژهێلێت سوره نابيت كهس خو نێزيك بكهت، لهوا روژههلاتا ناڤهراست نهشيايه چو پێنگاڤێت باش و بنهجه باڤێژت دههمى بواراندا چ سياسى يان ئابورى يان جڤاكى يان لهشكهرى يان وهرزشى بن، ههمى لايهنێت ژيانێ بخوڤه گرتينه بويه سيستهمهكێ تهڤگر ئهرێ كهنگى ل روژ ههلاتا ناڤهراست سيستهمێ ئاسايشا نهتهوى ههيه وخالێت سور هاتينه دياركرن دا كهس خولێ نهدهت ؟ بو نمونه دهمێ خودانێت دهستههلاتێ شولدكهن دێ بێژن ئهڤه دبهرژهوهندا مللهتێ دايه، بو نمونه وهلاتێ سوريێ نابيت چو بهرهنگار ههبن وهلاتێت سهر دهريا سپي ليبيا و تونس نهددويرن ژ دكتاتورێ عيراقێ بهلكو ههى ب وێ بهرچاڤكێ بهرێ خوددهنه مللهتێ خو، بهرهنگارێت وان يان يێت ژدهرڤهى وهلاتى يان يێت زيندانادا. ل ڤان سالێت دوماهيێ هندهك تيروژكێت ئازاديێ يێت پهيدا بوين خو بهرههڤ دكهن بو هلگرتنا ئالايێ ئوپوزسيونێ ل روژ ههلاتا ناڤهراست ئايا تا چ راده دێ دسهركهفتي بن ههرچهنده ئهڤه دهمهكێ درێژه خو بو ئامادهدكهت بهلێ تاچ راده دێ دَ سهركهفتى نن وهكو يا ئاشكرا ل ڤان وهلاتان گهلهك رهنگ و دهنگ هاتن چهند دريشمێت مهزن بلندكرن ب ناڤێ سهربهستيێ و پێشكهفتنێ و رزگاركرنا ژنێ و گهلهك ناڤێت دى بهلێ چو سهرنهگرت ههر دێ زڤرن يابهرێ وهكى (عسمانێ كورێ عهفانى) خودێ ژێ رازيبت دبێژت دهسپێكا ئومهتێ ب چ هاتيه چارهسهركرن دڤێت دوماهيا وێ ههر بزڤرن وێ چارهسهريێ بو نمونه ههر ژسالا (1948) ودورست بونا دهولهتا ئيسرائيلێ لهشكهرێت عهرهبا نهشياينه خو ل بهرسينگێ وان بگريت و ههر كێماسى يێت بوكرين چ ب ئاشكراهى يان بهزه پهيمان ژى يێت دگهل موركرين ژ بو پاراستنا كورسيكێت خو بو خهلكى ديار بو چهوا حوكمهتا غهزه شيا ل بهرسينگێ جوهيان براوهستت ههرچهند (48) دهمژمێر بو هاتبونه دانان لێ خوراگريا وان ژ يا ههمى حوكمهتێت عهرهبا پتر، ئهڤروكه خهلك و حوكمهت ژ ههڤ ئايرى هزردكن .بهلكو گهلهك جارا سندوقا دهنگدانێ دبت رهنگڤهدانا وى وهلاتى دابزانن پێكڤه ژيان ياب ساناهيه دهمێ خالێت ههڤپشك ههبن، ب ديتنا من و رهنگه گهلهك يێت دى وهك من ههبن دخوازن بهرلهمان ببيت جهێ دان و ستاندنا ههمى بابهتان و خودانێ دانا برياران نه وهكو جارهكێ وهزيرێ دهرڤهيێ قهتهرێ دبێژت بهرلهمانێت مه يێت دهست قوتانێنه، لێ ئهگهر بهرلهمانهكێ كارا ههبيت رهنگڤهدانا وى دهولا بهرلهمانى دابيت و پاشهروژا مللهتى ئهو دارێژن دێ چێتربيت، وهكى تهڤايا وهلاتێت جيهانێ رهنگڤهدانهكا سياسيا با شتر بخوڤه ببينيت و مفايى ژ ئهزمونهكا سهركهفتي وهربگرن ب هيڤي مه ل كوردستانێ سيستهمێ ئوپوزسيونێ پهيداببيت و ب دهته خوياكرن دهمێ داخوازا دهولهت و دهولهتبونێ دكهت دهولهتێت جيران ب ههمى شيانێت خوڤه نهبن رێگر وهكو ديروك شاهد ل سهر ڤان دهولهتان ب ههمى شيانێت خوڤه دوژمناتى كريه لێ ئهڤرو ب ناڤێ جڤاكێ سڤيل ومافێ مروڤان و رێكخراوێت نهحوكمى ببن پالپشت بو ڤێ خهونا نهتهوى ل كوردستانێ دا بهێته جه.
ـــ لیستێن ههلبژارتی ـــ دهستپێك سیاسهت هزر و رهوشهنبیری ئهدهب و هونهر پهروهرده و گهشهپێدان وهرزش و یاریگههـ بابهتێن گشتی كورته بابهت جڤاك و خێزان
ـــــــــــــــــــــــــــــــــــــــ
