ئهگهر مروڤ كارهكى يان ناڤهكى نهزانيت چ كێماتى نينه پسيار بكهت يان هوى بيسيت ژ كهسهكى يان لايهكى ژ خوشههرزاتر. ئهگهر ناڤهك يان ئاخفتنهك د فهرههنگا زمانێ مروڤى دا نهبيت ئهو ژى كێماتى نينه بو خو لێ بگهريت ژ نێزيكترين فهرههنگ يان جڤاك وهرگريت و ببته پهيڤهك د فهرههنگا وى دا و يا باشتر ئهوه ژ زمانهكى بيت كومهل پتر پێ خوش بيت. و ئهڤه ههتا د قورئانا پيروزدا يا ههى وهكى پهيڤێت (جههنهم، فيردهوس... هتد). من ئهڤه دا بهرچاڤێ خونيدهڤانێ هێژا و بيرا من هات ناڤ و نيشانهكى ل كوڤارهكێ (سهنتهر(ى) موبيليا(ى) هوم سيتى) كهنگى پهيڤهك ژ ڤان كوردى يه؟.. ئهرێ كانێ شهرهزايێت زمانێ كوردى؟.. ئهرێ فهرههنگا كوردى هشك بويه و نهشێت چ پهيڤا شوينا وان دانيت؟.. كانێ رهشهكێت (كورديكرنا ناڤ و پهيڤا)؟ نههێلن چ ناڤ بێنه توماركرن ئهگهر كوردى نهبن يان ناڤ و نيشانێت هوسا بهێنه ژێڤهكرن ژ دوكان و پيشانگههان يان بهس بو پهيڤێت زمانێ عهرهبى ب تنێ دزيرهكن؟ كوردستان و زمانێ كوردى يا پر بوى ژ پهيڤێت بيانى و ناڤ و نيشانێت هو.. هه چ وهكو ئهڤهيه ب تنێ نيشانا پێشكهفتنێ و شهرمه و كێماتى يه و تاوانه ئهگهر كوردى بن يان ژى زمانهكێ نێزيك مه و كارتێكرنا خو ههى ل سهر ژيانا گهلێ مه وهكى زمانێ عهرهبى (زمانێ پهرتوكا مه يا پيروز ـ قورئانێ) و دينێ گهلێ كورد (ئيسلامێ). نيوستى، دريم ستى، ئهڤرو ستى، دريم لان، ئوپوزسيون، فراكسيون، گهلهرى، جينوسايد، كانديد، كهنال، ريفورم، تيرور، تيرورست، كومپانى، رێكلام، سيكولارزم، مهتيرياليزم، پلێت، ترێن، فێدراسيون، ئهشنى، سيستهم، پوزيتيف، ئهكتيف، ميديا.. كوليج... هتد. و ب سهدان ئهگهر نه ب هزاران پهيڤ و ناڤ و نيشانێت هو دهێنه ب كارئينان.. ههمى دزانن وهلاتيێ كوردستانێ تێنا گههيت چيه، و گهلهك د دويرن ژ فهرههنگ و زمانێ كوردى. گهلهكا پێدڤى يه وهزارهتا فهرههنگ و رهوشهنبيرى ل كورستانێ لێژنهكا بسپورێت زمانى بێ لايهن پێك بهينيت و يا دوير بيت ژ كارتێكرن و مايتێكرنا توخم پهرێسان بو دارشتنا پهيڤ و ناڤێت كوردى و چ كێماتى نينه ئهگهر پهيڤهكا بهلاڤ و ناڤدار د زمانێت جيهانێ دا وهكى ديموكراسى، پهرلهمان، تلفزيون، راديو... هتد بهێته ب كارئينان بهلێ ئهز دبينم كێماتى يه ئهگهر مه ههبيت يان ژى د ناڤ زمانهكێ نێزيكى مه وهكى عهرهبى يان فارسى... هتد ئهم بچين پهيڤهكا لاتينى ب كاربينين. ئهڤ ههوا ب كارئينانا پهيڤێت بيانى دو ئهگهرێت ههين.. ئێك، ههستكرن ببێ كهسايهتى يێ و لاوازيێ و باوهرى ب خونهى بهرامبهر فهرههنگا بيانى و پێشكهفتنا تهكنهلوجى و ئهگهرا دوێ ئهوه دويركهفتن ژ ههر تشتهكێ تێكههل ههى دگهل ئولا گهلى كورد ئيسلامێ و زمانێ پهرتوكا پيروز (قورئانێ). ئهگهر ئهم ب خورا نهگههين دويماهيێ دێ پێدڤى (ليژنهئێ مكافهحهئێ ئهلفازێ غهريبه) بين و ژ زمانێ مه يێ شرين نامينيت ب تنى (ى) (و) و (ێ) و (ل) د ناڤ پهيڤێت بيانى دا.
ـــ لیستێن ههلبژارتی ـــ دهستپێك سیاسهت هزر و رهوشهنبیری ئهدهب و هونهر پهروهرده و گهشهپێدان وهرزش و یاریگههـ بابهتێن گشتی كورته بابهت جڤاك و خێزان
ـــــــــــــــــــــــــــــــــــــــ
