پشتى چاڤديَر هوزانه‌ك به‌لاڤكرى، هوزانڤان و سه‌رنڤيسه‌رىَ روژنامىَ هاتينه‌ گرتن
" ل دويڤ ياسايا تاوانيَت عيراقى يىَ سڤكييىَ ب پيروزييَت ئايينى بكه‌ت بو ماوىَ سىَ سالان دىَ هيَته‌ زيندانكرن" دادوه‌ر مسته‌فا مختار

پشتى به‌لاڤبونا هوزانه‌كىَ ل روژناما چاڤديَر و بويه‌ ئه‌گه‌رىَ برينداربونا هه‌ستيَت خه‌لكى و سڤكى پيَكرنا پيروزييَت ئيسلامىَ و سكالا دژى روژنامىَ ژ لايىَ ريَڤه‌به‌رييا ئه‌وقافا پاريَزگه‌ها دهوك و چه‌ند وه‌لاتيان هاتينه‌ توماركرن، سه‌رنڤيسه‌ر و هوزانڤان هاتنه‌(توقيف)كرن، ريَكخراويَت ديموكراتى ييَت ئيَكه‌تييا نشتيمانى يا كوردستانىَ خودانا ئمتيازا چاڤديَر پيرابونيَت خو ده‌رباره‌ى روژنامىَ وه‌رگرتينه‌، ژ لايىَ ياساييڤه‌ ژى، ل دويڤ گوتنا دادوه‌ر مسته‌فا موختار ل دويڤ ياسايا تاوانيَت عيراقى يىَ سڤكييىَ ب پيروزييَت ئايينى بكه‌ت بو ماوىَ سىَ سالان دىَ هيَته‌ زيندانكرن. سكرتيَرىَ لقا دهوك يا سه‌نديكا روژنامه‌نڤيسيَت كوردستانىَ ژى ديار دكه‌ت ئه‌وان وه‌كو سه‌نديكا هيچ په‌يوه‌ندى پيَڤه‌ نينه‌، ئه‌وژى دياركر ئه‌وان هوشداريه‌كا شه‌فه‌وى دايه‌ روژنامىَ، به‌رپرسىَ لقا دهوك يا ئيَكه‌تييا زانايان دياركر" دڤيَت سنوره‌كىَ ئه‌ده‌ب دانىَ بو وان كه‌سان هه‌بيت ييَت زيَده‌گاڤييا ل سه‌ر پيروزييَت خه‌لكى دكه‌ن....راپورته‌كا تيَر وته‌سه‌ل لدور ڤىَ كيَشىَ ل به‌رپه‌رىَ 2 بخوينن