ئهرىَ ليَك نيَزيكبونا ئيَكهتييىَ و حزبا دهعوه دىَ كارتيَكرنىَ ل ريَككهفتنا ستراتيژى يا پارتى و ئيَكهتييىَ كهت؟
كومبونيَت لايهنيَت عيراقى دگهل ييَت كوردى ب شيَوهكىَ نهيَنى و ئاشكرا ل بهغدا ژ بو پيَكئينانا ههڤپهيمانييهكىَ پشتى ههلبژارتنيَت 7 ئادارىَ ب گهرمى دهيَنه بهحسكرن، بهلىَ پرسيارا گرنگ ئهوه كو ههڤپهيمانييا ههردو حزبيَت كوردى دگهل ييَت عهرهبى ييَت پشكدار دحوكمهتيَدا كو نهشيان چ ئهركيَت دهستورى بهرانبهر كوردا بنهجه بكهن، ڤيَجارىَ دىَ ههڤپهيمانييا خو دگهل كىَ و چهوا گريَدهن؟
ژلايهكىَ ديڤه تيَكچونا پهيوهندييان دناڤبهرا پارتى ديموكراتى كوردستان و حزبا دعوه ب رسهروكاتييا مالكى و ليَك نيَزيكبونا ئيَكهتييا نشتمانى و كومبونيَت وان ييَت ئاشكرا و نهيَنى دگهل حزبا دعوه دىَ چهند ئالوزيىَ ئيَخيته پهيوهندييَت ئيَكهتييىَ و پارتى و ريَكهفتنا وان يا ستراتيژى؟
د. مهحمود عوسمان: پهرلهمانتارىَ فراكسيونا ههڤپهيمانييا كوردستانىَ دبينيت ڤىَ جارىَ دڤيَت كورد سهربورا ژ ههڤپهيمانييَت خو ييَت بهرىَ وهربگرن، ژبهر كو دسهركهفتى نهبون. ديسان ديدارهكا تايبهتدا دگهل سايتىَ يهكگرتوو پهرلهمانتارىَ ناڤبرى راگههاند پترييا وان ئيلتزاماتيَت دناڤبهرا لايهنيَت ههڤپهيمانى گريَداى نههاتينه بنهجهكرن دڤيَت ئهو تشتيَت دناڤبهرا وان لايهناندا دهيَنه ئهنجامدان ههمى ب هويرى و ئاشكرايى بهيَنه نڤيسين ديسان ئاماژه دا كو پهيوهندييا ئيَكهتيييَ و مالكى يا باشه، بهلىَ يا پارتى و حزبا دعوه زورا خراب نينه و يا بهرهب باشييىَ دچيت ب تايبهت پشتى دكتور روژ بويه جيَگرىَ مالكى.
دكتور مهحمود د وىَ باوهرييَدايه كو كيَشه دناڤبهرا ئيَكهتييىَ و پارتيدا روي نادهت ژ ئهگهرىَ ليَك نيَزيكبونا ئيَكهتييىَ و حزبا مالكى.
د:محهمهد ئهحمهد سهروكىَ فراكسيونا يهكگرتوو دپهرلهمانىَ عيراقيَدا ههر دڤى بواريدا بو سايتىَ يهكگرتوو راگههاند كو كومبون دناڤبهرا حزبيَت كوردى (ئيَكهتييَى و پارتى) و لايهنيَت عيراقى ييَت هيَنهكرن و دبينيت كو ليَك نيَزيكبونا ئيَكهتييىَ و حزبا دعوه نابيته ئهگهرىَ دورستبونا نهخوشييا دناڤبهرا ئيَكهتييىَ و پارتيدا، ديسان دياركر كو ئهو ريَكهفتنيَت دناڤبهرا واندا دهيَنه ئهنجامدان كهس ئاگههدارى هويرييَت وان نينه.
م: يوسف محهمهد ماموستايىَ زانستيَت سياسى ل زانكويا سليَمانييىَ بو سايتىَ يهكگرتوو راگههاند:د راگههاندنيَدا هاتييه بهلاڤكرن كو ئيَكهتى و حزبا دعوه ييَت ل بهغدا كوم بوين ههر چهنده چ ژ وان كومبونا ديار نهبويه، بهلىَ هوسا دياردبيت كو ئيَكهتى يا خو بهرههڤدكهت بو پشتى ههلبژارتنيَت 7 ئادارىَ كو سوزا سونيا بو لايىَ خو رابكيَشيت ژ بو هندىَ دا سونى پشتهڤانييا مام جهلالى بكهن بو پوستىَ سهروك كوماريىَ ديسان ههمان بسپورىَ زانستيَت سياسى دياركر دبيت ئهنجاميَت ههلبژارتنيَت 7 ئادارىَ ببيته ئهگهرىَ ئالوزيهكا كويرتر راسته پارتى و ئيَكهتى ييَت ب ئيَك ليست پشكدار بوين، بهلىَ ژبهر شيوازىَ ههلبژارتنان كو ب شيَوازهكىَ ڤهكرينه، بهلىَ لايهنگريَت ئيَكهتييىَ دىَ دهنگى دهنه بهربژيَريَت ئيَكهتييَى و ييَت پارتى ژى دىَ دهنه بهربژيَريَت پارتى ل ڤيَرىَ گرانى وبهايىَ ههر لايهنهكىَ دىَ ب ئاشكرايى دياربت، ئهڤجا دڤيَت يان ئيَكهتى تهنازولهكا زيَدهتر بو پارتى بكهت دا ريَكهفتنا وان يا بهردهوام بيت يان ژى پارتى رازى نابيت دهستههلات ب رهنگهكىَ (ففتى ففتى) دناڤبهرا واندا دابهش ببيت ، ژبهركو ئيَكهتى نه ئهو هيَزا مهزنا جاران دگورهپانا كوردستانىَ نهمايه و دقوناغا داهاتى ئهڤه دىَ بيته ئهگهرىَ پهيدابونا ئاريشان دناڤبهرا ههردو لاياندا، ديسان ماموستايىَ زانستيَت سياسى دياردكهت ههر نوكه ژ راگههاندنيَت بهرپرسيَت ههردو حزبا پارتى و ئيَكهتييىَ ئهڤه چهنده ديار دبيت كو ريَكهفتنا ستراتيژى دناڤبهرا واندا بههرڤيت.
سيروان زههاوى پهرلهمانتارىَ ههڤپهيمانييا كوردستانىَ دبينيت كو نيَزيكترين لايهنىَ سياسى يىَ عيراقى كو ههڤپهيمانييا كوردستانىَ ههڤپهيمانييىَ دگهل دا بكهت( حزبا ئيسلامى، حزبا دهعوه، ئهنجومهنىَ جڤاتا بالا يا ئيسلامى) يه, ديسان ناڤبرى ئاماژه ب وىَ ئالوزيىَ كر يا دناڤبهرا پارتى و حزبا دعوهدا رويداى ژ ئهنجامىَ راگههاندنيَت بارزانى و بهرپرسيَت ههريَمىَ ژبهر نهبنهجهكرنا ئهركيَت دهستورى ييَت مالكى بهرى هينگى رازى بوى ل سهر دگهل كوردا، بهلىَ نيَزيكبونا ئيَكهتييىَ و حزبا دعوه كارى ل سهر پهيوهندييا دناڤبهرا پارتى و ئيَكهتييىَ دا ناكهت ب ديتنا زههاوى دڤيَت لايهنىَ كوردى ل سهر ڤان بنهمايا ههپڤهيمانييىَ دگهل لايهنيَت عهرهب گريَدهن:
1ـ ئهكتيف كرنا مادىَ(140)
2ـ چارهسهرييا سهروبهرىَ ياسايى يىَ پيَشمهرگههى و بودجا پيَشمهرگههى.
3ـ چارهسهركرنا كيَشيَت گريَبهستيَت نهفتىَ.
4ـ چارهسهركرنا نوينهراتييا دهرڤهيا كوردا ژ دهرڤهى وهلاتى، چونكى وهزارهتا ژ دهرڤه بو كوردان نامينيت
5ـ پاراستنا فيدرالييهتا كوردستانىَ. |
