ب ههلكهفتا سالروژا ئاشكهراكرنا يهكگرتوو
يهكگرتوو.... لىَ زڤرين و چاكسازى
ههر حزبهك يان كومهكا ههبيت پيَدڤى هندهك ويستگههيَت ليَزڤرينىَ يه، چونكى گومان تيَدا نينه كهسهك نينه دكاروانىَ كارىَ خودا توشى هندهك هنگافتنان نهبيت يان لاوازى تيَدا پهيدا نهبن يان هندهك كاودانيَت تايبهت ب سهردانهئيَن، لهورا پيَدڤييه حزب ل سهر ڤان خالان راوهستيت و ههردهم بو دهمىَ ب هندهك ليَزڤرين و چاكسازيان رابيت دا بشيَت پاراستنىَ ل سهر زينديبونا خو بكهت و خو نوى بكهت و بشيَت د قوناغيَت دويڤدا خو ژ وان خاليَت لاواز خلاس بكهت.
ليَزڤرين ژى هندهك جاران دئيَت ژ ئهنجامىَ كاودانهكى ب سهرىَ حزبىَ بيت يان دقوناغهكا ههستياررا ببويت يان هندهك پيَشهات بيَنه پيَش يان هندهك گوهرين چيَببن ببنه ريَكخوشهر بو ئهنجامدانا ليَزڤرين و چاكسازيان يان حزبىَ نهچار بكهت ب ڤان ليَزڤرينان راببيت دا بشيَت بهردهواميىَ بدهته كارىَ خو و پاشڤه نهزڤريت.
ئهنجاميَت ههلبژارتنيَت پهرلهمانىَ كوردستانىَ ل 25/7/2009ىَ ويستگهههك بو، بو ئهنجامدانا ليَزڤرين و چاكسازيان، چونكى وهكى يا ديار ئهڤ ئهنجامه نه ل ئاستىَ حهزا يهكگرتووبون و تارادهكى رهخنه ل سهركردايهتيا يهكگرتوو هاتنه كرن ل سهر ڤان ئهنجامان نهخاسمه ژلايىَ ئهندام و كادريَت يهكگرتوو بخوڤه، بهلىَ سهركردايهتيا يهكگرتوو ب سينگهكىَ بهرفرهه ئهڤ ههمى رهخنه وهرگرتن و بريارا ليَزڤرين و چاكسازيىَ دا.
ههلبژارتنيَت 25/7 بونه ويستگهههك بو يهكگرتوو بو ئهنجامدانا هندهك ليَزڤرين و چاكسازيان وهكى:
1ـ زڤراندنا بريارا بو ئهندام و كادريَت حزبىَ و وهرگرتنا بوچونا وان دبرياراندا، ههر چهنده پهيرهو و پروگرامىَ حزبىَ دهستههلاتىَ ددهته سهركراديهتيا حزبىَ بريارىَ بدهت بهلىَ ژبو بهيَزئيَخستنا ڤىَ بريارىَ و بهرفرههكرنا رويبهرىَ وىَ دپشكداريهكا پتر ددانا ويَدا يهكگرتوو برياردا ئهندام و كادريَت خو دڤىَ برياريَدا پشكدار بكهت ئهڤ چهنده ژى دسىَ حالهتاندا دياربو، يهكگرتوو ژبو بابهتىَ پشكدارى و ئوپوزسيونىَ رهئيا ئهندام و كادريَت خو وهرگرت، زيَدهبارهى وهرگرتنا رهئيا وان درهنگىَ پشكداريىَ دههلبژارتنيَت عيراقيَدا و ل دوماهيىَ بريارا وان بو ههلبژارتنا بهربژيَريَن يهكگرتو بو پهرلهمانىَ عيراقىَ و يا دياره كو يهكگرتوو ب رهئيا وان بريار دا پشكداريىَ د حوكمهتا ههريَميَدا نهكهت و ببيته ئوپوزسيون و ههروهسا ب رهئيا وان برياردا ب ليستهكا سهربخو پشكداريىَ دههلبژارتنيَت پهرلهمانىَ عيراقيَدا بكهت ب راستى ڤىَ چهندىَ روحهكا نوى دا ئهندام و كادريَت يهكگرتوو و هيڤييَت وان گهشكرن.
2ـ ئهڤه سيَزده سال بو يهكگرتوو پشكدار دحوكمهتا ههريَميَدا پشتى ههلهسهنگاندن و ليَزڤرينهكىَ بو ڤىَ ئهزمونىَ يهكگرتوو خو ئيَكلاكر بو بريارا ئوپوزسيون بونيَدا نهخاسمه بهرى نوكه گازنده ژ يهكگرتوودهاتنهكرن و دگوتنىَ پيَيهكىَ وه يىَ دحوكمهتيَدا و ئيَك يىَ دئوپوزسيونيَدا، يهكگرتوو ئهڤ بابهته ئيَكلا كر وئهو پيَى دحكومهتيَدا ئينا دهر و ئهوژى كره دئوپوزسيونيَدا.
3ـ يهكگرتوو برياردا بهردهواميىَ بدهته سهربهخوييا ليستا خو ل پهرلهمانىَ عيراقىَ نهخاسمه ئهزمونا كوتلا يهكگرتوو يا سهربخو دچار ساليَت بوريدا ئهزمونهكا سهركهفتى بو ب شههدهيا سياسهتمهدار و شروڤهكهر و چاڤديَريَت سياسى.
ب ديتنا من ئهڤ ليَزڤرين و چاكسازييَت يهكگرتوو ئهنجامداين دىَ روحهكا نوى دهتىَ و دىَ بيته ئهگهر گهشهكرن و پيَشڤهچونا يهكگرتوو و دىَ سهنگا يهكگرتوو دگورهپانا سياسيدا گران كهت.
|
