ل دهستپيَكا بزاڤا كوردى كورديَت مه ل كهركوكىَ وهكى ههمى خويشك وبراييَت خو ل پارچيَت دى ييَت كوردستانىَ يىَ لبن زوَلم و زوردارييَدا, بهلكو پلان و بهرناميَت هاتينه دانان ژبو جوداكرنا ڤىَ دهڤهرىَ ژ پارجيَت دى ييَت كوردستانىَ بويه ئهگهرىَ هندىَ كو خهلكىَ وىَ زيَدهتر د تهنگاڤييا ونهخوشياندا بژين وديسان بىَ باربن ژ كيَمترين دهرفهتيَت خزمهتگوزارييىَ كو مافيَت وانه وهكو هاولاتى. ههبونا پهترولىَ ل ڤىَ پاريَزگههىَ بويه ئهگهرىَ تيَكدانا كاودانيَت وىَ بهردهوام, ول دهمهكىَ خهلكىَ وىَ چاڤهريَى خزمهت و پيَشخئيَستنا دهڤهرىَ بوينه بهرامبهرى ڤىَ نعمهتى كو ههمى وهلات مفا ژىَ ديتى يه, مخابن بتنىَ بىَ وهفايى وخرابى ژ دهستههلاتا وهلاتى بينيه نه بتنىَ د دهمىَ رژيَما بهعسدا بهلكو ههتا نوكه ژى ئهڤ بىَ وهفاييه يا بهردهوامه, و وهكو ئاخفتنا هوزانڤانىَ عهرهبى سهر هاتييه دهمىَ دبيَژيت " كالبعير في البيداء يقتلها الڤمأ والماء فوق ڤهورها محمول " ئانكو وهكو حيَشترا ل بيابانىَ دمرن ژ تيَهنادا و ئاڤ يا ل سهر پشتا وا يا باركرييه, وئهڤرو خهلكىَ مه ل كهركوكىَ ژى يىَ ل سهر دهريا گازىَ دژين وگاز نينه خو پىَ گهرم بكهن ل زستانان.
وههر هوسا كيَشا كهركوكىَ يا بويه بسمارىَ مهلا مهشهورى ههر كهسهكىَ بڤيَت كارهك وبهرنامهك ل وهلاتى پاشبكهڤيت و ئالوز ببيت و هندهك حهزيَت خو بينيته ناڤ دىَ كيَشا كهركوكىَ هاڤيَته دناڤ مهيدانيَدا, ومخابن ديسان بونا جوينيَت جودا جودا ژ نهتهوييَت عيراقىَ ل كهركوكىَ دڤيابا تابلويهكا جوان وئيَك دهنگ ودهستكهكىَ گولابا وهكو بهريَز سهروكىَ كومارىَ وهسف دكهت, يا بوييه گورهپانهك ههمى وهلاتيَت كهنداڤى وجيران مايىَ خو تيَدكهن وهندهك مروڤا بكاردينن ژبو ئالوزكرنا كيَشيَت وىَ. و مه ديت ل دهمىَ بوريدا چهوا پهرلهمانىَ عيراقىَ وژبهر وان ئهگهريَت مه دياركرى ڤيا تايبهتمهندييهكىَ بدهته ڤىَ پاريَزگههىَ, نهوهكو خهلاتهك بو وىَ دهڤهرىَ، بهلكو دبيت جورهكى دى يىَ زوردارييىَ ل دهمىَ خهلكىَ وىَ بىَ باركرى ژ مافىَ دهنگدانىَ بو ههلبژارتنيَت ئهنجومهنيَت پاريَزگهها كو ل سالاَ 2008 هاتينهكرن ل ههمى پاريَزگههيَت وهلاتى بتنىَ ئهو بىَ بههربون, وبريار هاته دان كو ياسايهكا تايبهت دىَ بو هيَته دياركرن وليژنهكا پهرلهمانى دياركر كو دويفچونهكىَ بكهت ل سهر كاودانيَت كهركوكىَ وراپورتا خو ئاراستهى پهرلهمانى بكهت ول سهر وىَ چهندىَ ياسا بيَته نڤيسين, وههمى لايهكى د پهرلهمانيدا دزانى كو ئهڤ ليژنه نهشيَت هيچ كارى بكهت ژ بهر ململانيَيا سياسى دناڤبهرا ئهنداميَت ويَدا. ول دهمىَ پهرلهمانىَ عيراقىَ ڤياى گوهرينهكا سڤك بكهت ل سهر ياسايا ههلبژارتنيَت گشتى يا ژماره 16 لسالاَ 2005 دا بگونجيت ل گهل كاودانيَت ئهڤرو ييَت سياسى ب تايبهت ڤيانيَت جهماوهرىَ عيراقىَ كو ههلبژارتن ل سهر بنياتىَ ليستا ڤهكرى بيت دهمهكىَ زور بورى پهرلهمانى نهشيا ياسايىَ بگوهريَت ژ بهر ههڤركييا سياسى ل سهر كهركهكىَ وگهلهك لايهنا دڤيا تايبهتمهندييىَ بدهنه ههلبژاردنيَت وىَ، جارهكىَ ب گازييا ديرئيَخستنيَت ههلبژاردنان ل وىَ دهڤهرىَ وجارهكىَ بدانا چهند كورى ييَت زيَده بو عهرب وتوركمانان وجارهكىَ ب پيَكئينانا ئيَك ليست ژ ههمىَ نهتهوهيت تيَدا وههتا دوماهيىَ ژ ڤان هيَجهتا كو ههر ئيَك ژ وان چهند روژا ڤهكيَشا و لايهنيَت جودا جودا مايىَ خو تيَد كر وديار بو كو كيَشا كهركوكىَ كيَشهكا نافخوى يا عيراقى نينه بهلكو كيَشهكا نيَڤدهولهتييه و مخابن ب تنىَ خهلكىَ وىَ يىَ خويكىَ ددهت.
دڤيَت ئيَكهمين سوز بيَته وهرگرتن ژ بهربژيَريَت مه ييَت ههلبژارتنان چ ليست بن يان كهسىَ بهربژيَر كو ب هيچ رهنگ سستيىَ د كيَشا كهركوكيَدا نهكهن، راسته ههتا نوكه نوينهريَت مه كوردا نه شياينه ب تمامى كيشا كهركوكىَ چارهسهربكهن كو دبهرژهوهنديا گهلىَ مه يىَ كورد دابيت، بهلىَ دگهل هندىَ دا رازينهبوينه بكيَمىَ بو كهركهكىَ، ودڤيَت ل ڤيَرىَ بيرا خو بينهڤه يا ژههميان فهر تر ئهڤهيه كو ئيَك ههلويستيا ليستيَت كوردى ئهڤه ياراگرتى وب تنىَ ئهو ديَ بيته چهكىَ مه د ئاينديَدا، دڤيَت ههوهسا ئهم بزانين كو ب كهسيَڤه ناهيَت ئهو ب تنىَ كهركوكىَ بو مه بزڤرينيت بتمامى بهلىَ ئيَك ريَزيا مالا كوردى دىَ ب تنىَ ئهو هيَزه بهرامبهرى نهحهزيَت كوردستانىَ.
|
